【不要去羨慕，不要去妒忌】
話說，我正處於事業無成的二十五歲
沒有工作的人真的很容易感到自卑同抑鬱
我開始明白點解失業太耐既人會好容易轉牛角尖。
畢業兩年，身邊一起畢業既朋友在這兩年建立了很多
有啲朋友已經講緊幾時買樓，幾時結婚，搵緊兩萬幾蚊
而我這個廢青只是在想找什麼工作..
剛剛的晚上我跟麥仔訴說我突如其來的抑鬱
有點覺得自己畢業兩年，這兩年的成績表好像不合格
然後又有點羨慕別人用這兩年去了比我更遠的地方
麥仔說：「不要見別人的好，就集中於自己的不好」
冷靜過後，想通了
就好似曾經有身邊既朋友會話羨慕我同麥仔既愛情
有朋友會話喺到睇完覺得我同麥仔好好，甚至話我係好女朋友等等
然後我都會話，咁係因為您睇到既，只係我放大左既好
我同麥仔爭執時我無話您知，我發脾氣時有幾討厭您都唔知
您睇到既只係現實生活既一小部分。
嗯其實每次羨慕別人時，都是因為看到了別人美好的部分
每個人的生活，冷暖自知，旁人看到的永遠不是事實的全部
Facebook有時都係害死人，
因為每個人都喺facebook放大生活中最美好既部分
然後有啲人就這樣比較下去，覺得不滿足了
所以，都係唔好同人地既生活事業比較嚕
反正您身邊永遠都有比您更幸福更幸運的人
愈計較這些只會愈不幸福。
淨係記得今晚在感到困惑時，有人在身邊說：「有我陪您呀」
已經應該滿足了。
（我說：呢兩年我好似無咩得著，麥說：您有我呀）
20161017 02:36am
寫於一個跟朋友吃完飯，看到他們事業發展得不錯的晚上。
/
圖為我在台灣買給自己的postcard
快樂要緊。加油
/
ig: hkgirlfriend
港女友 Hong Kong Girlfriend.
Search